كتاب الخواطر العامية:
أساسيات الحب
-يسعدنا دار الهدى للنشر الإلكتروني إستقبال العمل الأدبي كتاب الخواطر العامية، كتاب "أساسيات الحب" تحت إشراف: جهاد محمود السيد ودار الهدى للنشر الإلكتروني.
-وجاءت مقدمة الكتاب كما يلي:
المقدمة
الحب دا حاجه حلوه جدا ، وحاجه وحشه جدا في نفس الوقت ، حلوه لما تختار الشخص الصح ، لما تختار حد بيحبك بجد ، حد صافيلك من جوه ، جد تتطمن معاه ، شخص يبيع العالم كلو لاجل انو يشوفك سعيد وبخير ، لما تحب انسان ويبقالك ضهر وسند وعزوه وحد تقدر تعتمد عليه في كل حاجه ، حد يحل معاك مشاكل حياتك ، يشاركك في كل حاجه ، في كل صغيره وكبيره ، تحب شخص مع الوقت ميملش منك ، شخص يفضل باقي عليك مهما الناس بعدت عنك ، ويكون اول حد بتجري عليه لما بتزعل او بتتعب وتلاقيه اول حد بيكون جمبك وعمرو ما بيتاخر ، الحب انك تفرح لما تلاقي الشخص الي بتحبو فرحان ، بتزعل لزعلو اكتر ما بتزعل علي نفسك ، بيهمك كل تفصيله ف يومو او حياتو ، الحب انك تعدي ، تسامح ، ان الدنيا تبقي حلوه ف عينك والشخص دا موجود فيها ، بس اوعا تيجي علي نفسك ، او تيجي علي كرامتك تحت مسمي "الحب".
عائشة بشير
وجود شَخص داعِم فـ حياتَك
، من اعظم واجمل النِعم اللي مُمكن ربنا يديهالك ، كُل خطوَه بتاخُدها ، حتى لو بسيطَه ، حتى لو بالنسبه لـ بَعض الناس تافهه ، بتبقى عارف ان فيه شَخص هيفرحلك ويشجعَك بخصوصها ، كأن ضهرَك مفرود ومحمي دايماً ، وجودكُم سوا بيدي لـ كُل حاجه ، كُل تفصيله ، طَعم واحساس مُختلف ، لأن دايماً وجود انسان مصدَق فيك ، قادر يخليك تحقق ما لا تتوقعه
عائشه بشير
حتي لو علاقتنا انتهت
ده مش مبرر يخليني أكرهك أبداً بعد ما كان فيه بينا أيام ومواقف جميله ، مش مبرر خالص يخليني أطلع أسرارك بره وأقول علي مخاوفك ونقط ضعفك لِـ الناس ولا أقلل منك قدام حد نهائي ، ولو انتَ اللي عملت ده فيا وكنت الطرف المؤذي هتجاهل تماماً وهحاول مركزش في تصرفاتك اتجاهي رغم تأثيرها السلبي عليا ، مش ضعف مني لأ بالعكس ده مافيش أسهل من الأذي والنميمه والفتنه ، لكن عشان قال تعالي :- وَلَا تَنسَوُا الْفَضْلَ بَيْنَكُم
عائشه بشير
-للإطلاع على المزيد من الخواطر للكاتبة عائشة بشير وقراءة الكتاب قم بتحميله من هنا:
"دار الهدى للنشر الإلكتروني"